Пичи Пургаын Семён Самсонов нимо ёрос премилэсь лауреатъёссэ сӥлы каризы
![Пичи пургаын семён самсонов нимо ёрос премилэсь лауреатъёссэ сӥлы каризы 1](https://udmddn.ru/wp-content/uploads/2022/11/uyiol9ealcv48xvz4e4ksidsfhrjdp3pbvkxauzprnqch1sfgyrwmzfvedyahcx6yglbcqrcbvpmjdztogi9g78h.jpg)
Пичи Пургаын Семён Самсонов нимо ёрос премилэсь лауреатъёссэ пусйизы. Данъян ортчиз Удмурт Элькунлэн нуналэзлы сӥзем сӥё-дано ужрад улсын.
Туэ данъетэз басьтӥзы «Удмурт Кенешлэн» Пичи Пурга ёзэтэзлэн азьветлӥсьёсыз:
— Галактионова Анна Фёдоровна — удмурт кылэз утён но азинтон удысын тыршемез понна;
— Владимир Федосеевич но Нина Ивановна Ботниковъёс — шаертодон но этнотуризм удысын азинлыко тыршемзы понна;
— Елизарова Зинаида Семёновна — литература но искусство удысын азинлыко тыршемез понна.
Ватсаса: удмурт калык писательлы Семён Самсоновлы сӥзем ёрос премия Пичи Пургаын 2010-тӥ арысен сётӥське удмурт культураез азинтон но вӧлмытон понна тыршись муртъёслы.