Пичи Пурга ёросысь гожъясьёслэн произведениоссыя коллажъёсын вожвылъяськон ортче Удмуртиын
![Пичи пурга ёросысь гожъясьёслэн произведениоссыя коллажъёсын вожвылъяськон ортче удмуртиын 1](https://udmddn.ru/wp-content/uploads/2018/09/vy.jpg)
Вожвылъяськон нырысетӥзэ радъяське но суредаськон искусствоез литератураен огазея.
«Отын милям одно ик кулэ луыны цитата но авторлэн портретэз. Адямиос, кин сое дася но, авторлэсь ымнырзэ, туссэ мед тодозы и авторлэсь цитатазэ. Озьыен, умой цитатазэ утчаса, со книгаез кияз кутылоз, одно ик со сое лыдӟоз, чебер кылъёсты утчаса. Соин со туж кескич лэсьтэмын», — шуэ Асият Фишер, Пичи Пурга ёрос лыдӟетъюртысь библиотекарь.
Ӧнерчи верамъя, конкурсэ 11-сен 35 аресозь вань мылкыд карисьёс пыриськыны быгато. Кагаз вылэ лякылыса лэсьтэм яке графикая редакторъёсын кылдытэм ӟуч но удмурт кылын ужъёсты 16-тӥ куарусёнозь куто. Туннэ нуналлы лыдӟиськонние нырысетӥ коллажъёс вуо ни, шуэ Асият Фишер.
Вожвылъяськонлы йылпумъянъёс 25-тӥ куарусёнэ лэсьтэмын луозы. Вормисьёсты куинь номинациын быръёзы: кылбурет произведения устоез коллаж, проза произведения устоез коллаж но устоез электрон коллаж. Озьы ик лыдӟетъюртын вуэм ужъёсын адӟытон радъяськоз.