Пичи Пурга ёросын «Яган-Базар» ортчоз

Озьы, уно дауръёсын радъяськылэм йылол туннэ но Яган-Докьяын но со котырын улӥсьёсты шумпоттытэ. «Яган-Базар» арлы быдэ радъяськылэ гужемлэн берпуметӥ нуналаз.

Дышем сямъя, солы кутскон сётэ черк служба. Праздниклэн инъетэз туэ валъёсты вӧсян йылол луоз. Та ужрадэз, но озьы ик выль кеньырлэсь пӧзьтэм ӝук вӧсянэз, вань мылкыд карисьёс учкыны быгатозы.

Ярмаркае асьсэ ваньбурзэс поттозы гурт возёсъёс но гурт ужбергатӥсьёс. «Яган-Базарын» бакча сиёнъёс, емышъёс, чечы, киужъёсты басьтыны луоз. Пиналъёслы спортъя площадкаос, пӧртэм мастер-классъёс ужалозы.

http://www.myudm.ru/