Пичи Пурга ёросын Яган-базар ортчиз

Яган-базаре Пичи Пургаысь гинэ ӧвӧл, бускель ёросъёсысь но калык вуиз. Бадӟым эштосъёс сяна, фермер возёсъёс, гуртазы нимаз емыш будэтӥсьёс, пудо вордӥсьёс, мушкасьёс люкаськизы. Ортчем аръёсы но бускель улосъёсысь купечъёс тазьы ик вузкарон-шулдыръяськон ортчыто вылэм. Та интыез юнме бырйиллямтэ, татын пӧртэм гуртъёсы, каръёсы нуись сюресъёс ваче пумисько. Собере Кам шур но кыдёкын ӧвӧл. Со ваньмыз вузкарыны юрттэм.

Азьло сямен ик вал вӧсян сям-йылолэз ортчытӥзы. Бусы ужъёсты быдэстыны котьку валэз куто вал бере, вашкалаосмы бадӟым саклык висъязы та пудолы. Нош туннэ сое техника воштэ. Корт вал но пайда гинэ мед ваёз, гуртоослэсь улонзэс азинтыны мед юрттоз — шуиз бачко.

Азьланяз шулдыръяськонэз ортчытъяны малпанъёс кылдо.

«Азьпалан, кызьы шуо тани, туристический продукт кадь мед луоз, — шуэ Пичи Пурга ёросысь лулчеберетъя управлениен кивалтӥсь Надежда Степанова. — Огшоры лыктӥсь муртъёс но, туристъёс но, кудъёссэ тунсыкъяськытэ удмурт шаермы, сям-йылолъёсмы, соос но таӵе ужрадмес адӟыны мед быгатозы».

http://www.myudm.ru/