Пичи Пурга ёрос литературалы сӥзем нуналъёсты сӥё-дано усьтозы Удмуртиын

“Ӥӧскалык библиотекаен ӵош тыршимы ужрадлэн программаяз тужгес «ческыт емышъёсты» пыртыны. Кылбурчиосмы, писательёсмы сяна, Пурга литература дуннее «зымыны» юрттозы «Брангурт песянайёс», «Арганчи» калык ансамбль, пинал крезьчиосмы, Удмуртиысь дано артистка Надежда Уткина, ӝужась кизилиосмы Егор Маштаков но Юлия Гаврилова, кырӟась кылбурчимы Богдан Анфиногенов, Брангуртысь «Кузьыли кар» нылпи театр”, – ивортэ  Надежда Степанова.

Со сяна, ёрос лыдӟетъюртын ужасьёс «Дэрем» студилэн кивалтӥсеныз, реставраторен Татьяна Москвинаен ӵош дӥсь возьматон дефиле дасялозы. Пичи Пурга ёрослэн тӧроез Сергей Юрин сцена вылысен кылбур лыдӟыны потоз. Нош Удмурт кун университетысь удмурт кылосбуръя, финно-угроведениея но журналистикая институтэн кивалтӥсь, кылосбур тодосъя доктор, профессор, Пичи Пурга черкогуртын вордӥськем Наталья Кондратьева Пурга литературалэн будон но азинскон сюресэз сярысь ивортон лэсьтоз.

Озьы ик со нуналэ 17 часысен Калыкъёслэн эшъяськон юртсылэн фойеаз вузаськон-адӟытон усьтӥськоз. Отысь Вуж Мӧньялась Кибашлыослэн юртысьтызы ӧнерчиослэсь киужъёссэс, Татьяна Москвиналэсь удмурт дэремъёссэ, Пичи Пурга ёросысь суредасьёслэсь ужъёссэс, Пурга ёросысь чечы басьтыны луоз.

Тодэ вайытом, тулыспалэ Пичи Пурга черкогуртын «Пичи Пурга – Удмуртилэн литературая шоркарез» ужрад ортчиз, нош 21-тӥ южтолэзе Удмуртиысь Йӧскалык театрысь артистъёс Пичи Пургаысь гожъяськисьёслэсь ужъёссэс лыдӟизы.

https://udmurt.media/udm/news/kultura-i-turizm/53622/

 

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий