Пичи Пурга 2019-тӥ арын Удмуртилэн литературая шоркарез луоз

“Со Удмуртиысь йӧскалык библиотекалэн ӵектосэз. Со ӵектос куинетӥ арзэ мынэ ини. Быдэс элькунын мынэ. Тани кылем арын вал можгаослэн арзы, валля арын Алнаш ёрос литературалэн нуналъёсыз, нош туэ ар сётэмын пургаослы”, – вераз Людмила Шумилова, Пичи Пургаысь ёрос лыдӟетъюртлэн кивалтӥсез.

Ӵектослэн аслаз нимысьтыз синпелетэз вань – тылы. Сое литературая нуналъёсты ортчытӥсь ёросъёслы бӧрсьысь сёто.

“Кылем арын вал Можга ёрос литературалэсь нуналъёссэ йылпумъян сӥё-дано ужрад. Ми ветлӥм, милям делегацимы отчы ветлӥз. Милемлы соос сӥё-дано сётӥзы со литература нуналъёслэсь синпелетсэс – тылы, кудӥз сётэмын луоз тӧролы (Пичи Пурга ёрослэн тӧроезлы Сергей Юринлы – ред.) 21 числое. <…> Озьы ик туж тунсыко сыӵе статуэтка, кудзэ лэсьтэмын Можгалась кибашлыос, со кылем арын лэсьтэмын ай, кудӥз тоже кылдысинлэн, бадӟым книгалэн образэз-а, мар-а шуод, кудӥз быдэс ар луоз библиотекаын”, – шуиз Людмила Шумилова.

Пичи Пурга ёрос литературалэсь нуналъёссэ усьтон улсын ёросын #ЧитайРодное нимаськись флешмоб ортчоз. Людмила Шумиловалэн верамезъя, со 21-тӥ тулыспалэ 15 часын ёросысь вань лыдӟетъюртъёсын, лулчеберет юртъёсын, школаосын радъяськоз. Со сяна, ёрос лыдӟиськонниын творчестволы, литературалы сӥзем площадкаос, мастер-классъёс ужалозы.

Ар ӵоже ӵектос улсын Пичи Пургаын ёросысь гожъяськисьёслы сӥзем трос пӧртэм ужрадъёс радъяськозы.

“Ми малпаськом, Пурга писательёсынымы потаны быгатом мукет ёросъёсы но”, – вераз Людмила Шумилова.

Пичи Пурга ёросысь трос гинэ гожъяськисьёс потэмын. Соос пӧлын Семён Самсонов, Никвлад Самсонов, Кирилл Ломагин, Анатолий Перевозчиков, Семён Карпов, Любовь Тихонова, Елена Миннигараева, Богдан Анфиногенов, Анастасия Шумилова, Мария Векшина но трос мукетъёсыз.

Тодэ вайытом, Удмуртиын Можга ёрос литературалэсь нуналъёссэ сӥё-дано ворсан но аспӧртэм эстафетаез Пичи Пурга ёрослы сётон ужрад кылем арын 20-тӥ толсуре ортчиз.

https://udmurt.media/udm/news/obshchestvo/51090/

 

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий