«Пичи Чеберайёс но Батыръёс» нылпи фестиваль

«Пичи Чеберайёс но Батыръёс» вожвылъяськонэ удмурт кылэз тодӥсь яке дышетӥсь нылпиос пырисько. Та дыре ужрад ёросъёсын но каръёсын азьланьтӥське. 10-тӥ шурконмонэ Ижкарын пумиськозы вормисьёс.

Соос пӧртэм конкурсъёсын быгатонлыкъёссэс, тодон-валанъёссэс эскерозы:

«Мынам нимы» – ачид сярысь веран. Пиос удмурт мадёсъёсысь Батыр нимын асьсэ сярысь вераны, нош нылъёс визиткаязы удмурт вашкала нимъёсты кутыны кулэ.

«Удмурт кылбур» – нылпиос удмурт кылбурчиослэсь Герман Ходыревлэсь, Аркадий Клабуковлэсь, Владимир Котковлэсь кылбуръёссэс лыдӟыны кулэ, нош жюрилэн ёзчиосыз соослы пуштросэз пумысен юанъёс сётъялозы, нылпиослэсь удмурт кылэз валамзэс тодон понна.

«Кибашлыос» – нылъёс но пиос юртъер котырын ужаны быгатэмзэс возьматозы. Пичи чеберайёс понна таӵе конкурсъёс дасямын:

— «Азькышет»: аппликаци амалэн удмурт пужыосын азькышет дасялозы. Дунъясьёслы быдэстэм пужыоссылэсь нимъёссэс вералозы.

— «Кускерттон пунон» — уже кутыны луоз 3 лентаен пунӥськонэз.

— «Утись мунё» — басма кесэгъёслэсь мунё лэсьтозы.

— «Кабачи» — аппликаци амалъя нылкышнослэсь гадь вылын нулдон дӥськут люкетсэс лэсьтозы.

— «Вож нуны» — мунёез биньылозы.

Нош со вакытэ пичи батыръёс зэмос воргорон ужын вожвылъяськозы:

— «Жильы пунон» — чибориё скрепкаослэсь жильы бичалозы. Дунъясьёс буёлъёсты тодэмзэс но чотаськыны быгатэмзэс эскерозы.

— «Батырлэн Палашез» — аппликаци амалэн Батырлэсь мечсэ быдэстозы.

—  «Уробо» — уробо лэсьтозы

— «Шырчик уморто»- шырчик кар лэсьтозы.

«Пӧраськом удмурт сиён» конкурсэ нылъёс пыриськозы. Жюриослы удмурт пӧрамзэс возьматозы.

«Шӧртчиос» конкурсын пиос шаплы, лэчыт визьмо луэмзэс возьматозы.

Нош чебераен батырен чош нуны веттан гур быдэстозы. Жюрилэн ёзчиосыз крезьгур быгатонлыкъёссэс, быгатыса кырӟамзэс дунъялозы.

«Эктыса лэзём али» конкурсын паръёс удмурт движениосты возьматозы. Вожвылъяськон «Капка ултӥ потаса» шудон улсын мыноз. Паръёс круге султо, киоссэс кутыса жуто (капка кылдыто). 1-2 пар круг шорын сылэ. Соос капка улти потало. Крезьгур дугдэ, шораз кылем паръёс эктыны кутско.

 

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий