Пичи Чебераез но Батырез бырйизы Пичи Пурга ёросын

Вожвылъяськонэ Пичи Пурга ёросысь 22 нылпи садъёс пыриськизы, со 16 пиос но 21 нылъёс. Нылпиос асэнызы тодматӥзы, творчествоя быгатонлыкъёссэс возьматӥзы, удмурт сиён пӧразы, киуж лэсьтӥзы, визьбурлыко вожвылъяськонэ пыриськизы.

Ӟырдыт нюръяськонын «Пичи Чеберай» ним басьтӥз Вуж Мӧнья гуртысь нылпи садэ ветлӥсь Карина Алексеева, «Удмурт Батыр» нимез Баграш-Биграысь Антон Баграшовлы сётӥзы. 28-тӥ шуркынмонэ соос «Пичи Чеберайёс но Батыръёс» элькун фестивальлэн йылпумъян люкетаз пыриськозы.

Мукетъёссэ пиналъёсты пӧртэм номинациосын пусйизы: «Мусокай», «Шӧртчи», «Визьлюк» но мукет. Ваньзы пыриськисьёс лентаос но кузьымъёс басьтӥзы.

Тодэ вайытом, элькунысь каръёсын но ёросъёсын «Пичи Чеберайёс но Батыръёс» VII элькун фестивальлэсь нырысетӥ люкетсэ 25-тӥ шуркынмонозь ортчытозы. Интыосын вормисьёс 28-тӥ шуркынмонэ Ижкаре Калыкъёслэн эшъяськон юртазы лыктозы. Ватсалом, таяз арын элькун фестивале выль номинация пыртӥзы – «Удмурт кырӟан».

https://udmurt.media/udm/news/kultura-i-turizm/45286/

 

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий