Петербургын туала удмурт поэзиен тодматскозы

Ужрадын туала удмурт поэзилы сӥзем нырысетӥез альманахен тодматскозы. Со туэ куартолэзе поттэмын вал.

Альманахе пыртэмын 10 удмурт егит кылбурчиослэн ужъёссы, со: Богдан Анфиногеновлэн, Егор Завгороднийлэн, Катя Растягаевалэн, Анастасия Шумиловалэн, Юрий Бражниклэн, Дарья Нестеровалэн, Анна Глуховалэн, Ирина Кадочниковалэн, Александр Митряковлэн, Таня Репиналэн.

Нырысетӥез альманах граждан кылбуретъя «ПоэтUp» Штаблэн кичӧлтэмезъя поттэмын. Солы коньдон юрттыны мылкыд карисьёслэсь 2 арня ӵоже люкамын вал. Книгаын удмурт но ӟуч кылъёсын кылбуръёс печатламын.

«ПриблИЖение» ужрадын Санкт-Петербургысь но Ижкарысь егитъёслэсь кылбуръёссэс лыдӟозы — Таня Репиналэсь, Мария Абихлэсь, Дерья Нестеровалэсь, Пётр Бершлэсь.