Пермь улосын йӧскалык кусыпъёслы сӥзем Форум ортче

Форум ужзэ мытӥз 20-тӥ шуркынмонэ Пермь улосысь Усть-Качкаын. Росси Федерациын огъя йӧскалык политикаез улонэ пыӵатон — ужрадын ӝутэм валтӥсь тема.

Форумлэн площадкаосызлэн ужазы пырисько мерлыко удысын ужасьёс, тодосчиос, федерал, улосвыл но интыысь кивалтӥсьёс – огъя форуме Россиысь 45 субъектъёсысь 500-лэсь ятыр  делегатъёс пырисько.

Соос кун йӧскалык политикая Стратегиез улонэ пыӵатонъя пӧртэм улосвылъёсын пуктэм ужпумъёсын люкисько, озьы ик йӧскалык кусыпъёсъя ӧрлэн азинлыкез сярысь верасько.

Форум улсын йӧскалык кусыпъёсъя, росси нацилэсь эшлыко луонзэс юнматонъя тужгес но лэчыт юанъёслы сӥзем мукет ужрадъёс но чакламын: научно-практической дискуссиос, котырес ӝӧкъёс. Валтӥсь ӧр – муниципал ужасьёслы семинаръёс но практикумъёс.

Сяме пыӵамъя, форумын коммерческой луисьтэм но мерлыко огазеяськонъёслэн азьветлӥсьёссы куспын, кудъёсыз кун йӧскалык политикая проектъёс кылдытъян бордын тыршо, росси вожвылъяськон ортчоз.

Форум 23-тӥ шуркынмонозь кыстӥськоз.