«Пельняньысен Китаёзь» калыккуспо фестивальлы дасясько Эгра каргуртын

Нош эшшо арня ортчыса, «Пельняньысен Китаёзь» нимо калыккуспо фестиваль радъяськоз Эгра каргуртын. Туэ со 3-тӥзэ ортчоз. Возьмало Китайысь куноосты но. Фестиваль улсын кыдёкысь кунысь лыктэмъёс асьсэ палан кутӥськись пельнянь лэсьтыны дышетозы. Нимаське со цзяо-цзы.
Эгралан , мукет ёросъёс сярысь, туж трос ужбергатӥсьёс пельнянь кутонэн выро. Кудъёсызлэн со сиёнзы кунгож сьӧрын но тодмо. Фестиваль улсын ужбергатӥсьёс пӧлын «Милям маркамы» дано ним сётон понна вожвылъяськон радъяськоз. Лыктэм калык куаразэ сётоз тужгес но ческыт пельнянь понна.
 
Озьы ик ушъямон пельнянь ним понна вожвылъяськоз ёросын улӥсь пӧртэм выжы калыкъёслэн кутэм сиёнзы.
 
«Фестивальмылэсь одӥг площадказэ «Йоскалык пельнянь» шуыса нимам, — вера Эгра ёрослэн тӧроезлэн воштӥсез Александр Шамшурин. – Отын ёросамы вань йӧскалык лулчеберетъя огазеяськонъёс асьсэ сяменызы пельнянь кутозы. Озьы, фестивалямы луозы бигер, белорус, украин но мукет пельняньёс».