«Пельняньлэн нуналэз» фестивальлы сувенир быръёнъя элькун конкурс кутскиз

Ужрадлэн валтӥсь куронъёсыз – сувенирын Фестивальлэн пусъёсыз мед луозы, озьы ик пельнянен герӟаськем сямъёс но удмурт калык йылолъёс.

Конкурсэ пыриськисьёс ваньзы онлайн-каталоге пыртэмын луозы. Соослэсь ужъёссэс 11-тӥ тулыспалэ Ижкарысь Шор площадьын фестивале лыктэмъёслы возьматозы.

Ужрадэ пыриськон понна Конкурслэн Положениеныз тодматсконо Фестивальлэн сайтаз яке Вконтакте группаын.