«Пельняньлэн дунневыл нуналэз» Ижкарын

Вера ужрадлэн ӵектосъёсъя менеджерез Екатерина Калентьева:

«Милям пельнянь сиёнъя дуннелэсь рекордзэ пуктыны чакламын. Нырысь ик Россилэсь, собере дуннелэсь», — валэктӥз Екатерина Калентьева.

Солэн верамезъя, 11-тӥ тулыспалэ Ижкаре рекордъёсъя Россиысь книгалэн ӧнерчиез лыктоз. Со праздник ӵоже сием пельнянез лыдъялоз.

Радъясьёс семьяен но нимаз рекордъёсты но пуктыны малпало. Екатерина Калентьева верамъя, соосты пӧртэм конкурсъёс улсын пусъёзы.

Пельнянь сиёнъя азьвылэз рекорд пуктэмын вал Пермьын 2014-тӥ арын толшоре, карын олимпи тылэз пумитан ужрад дыръя. Соку кӧня ке час ӵоже 50 сюрс пельнянь сиизы.

Екатерина Калентьевалэн верамезъя, Ижкар фестивальлэсь ужпумзэ одно ик быдэстоз но азьвылзэ рекордэз выльдоз, уката ик, асьме ужрад дунневыл праздниклы пӧрмиз ни.