«Пельняньлэн дунневыл нуналэз» 2018-тӥ арын Ижкарын куинь интыын ортчоз
Кызьы ивортӥз Калыкъёслэн эшъяськон юртсылэн пресс-службаез, пельнянь шудонъёсы нырысьсэ лыктозы Россилэн мукет улосвылъёсысьтыз куноос.
Удмуртиысь но мукет улосвылъёсысь шеф-поваръёс асьсэ йӧскалык сиёнъёссэс пӧраса, со пӧлын пельняньлы укшасьёссэ, гастономия но творчество ӧръёсъя устоез улосвыл ним понна вожвылъяськозы. Фестиваль арняе, 1–10 тулыспалэ, сяме пырем мастер-классъёс, пельнянен вузкарон ортчозы, озьы ик выль конкурсъёс но марафонъёс радъяны чаклало.
10-тӥ тулыспалэ Шор площадьын пельняньлы сӥзем «ТАУ» калык музей усьтыны малпало.
Шулдыръяськонлэн валтӥсь ужрадэз луоз «Зарни пельнянь-2018» премия, со пельянез веръям бере куара сётыса радъяськоз.