Дом Дружбы народов

    Паймымон гурын табань пыжон, сульдэрез сутон: 10-тӥ южтолэзе Удмуртиысь «Лудорвай» музейын Масленчаез пусъёзы

    Паймымон гурын табань пыжон, сульдэрез сутон: 10-тӥ южтолэзе удмуртиысь «лудорвай» музейын масленчаез пусъёзы 1

    Кыкетӥ арзэ балаган возьматон радъяськоз. Куноос «Петрушка» мунё возьматонэз учкыны быгатозы. Сыӵе возьматонъёс 17-тӥ даурысен ярмаркаосын, базаръёсын но площадьёсын ортчылӥзы. Со сяна, люкаськем калыкез скоморох шулдыртоз, нош коробейникъёс мунёос но синпельёс басьтыны ӵектозы.

    Лыдӟиськон юртын сӥньыслэсь мунё лэсьтыны дышетозы, берло соосты вань уродэныз валче бадӟым тылскемын сутыны луоз.

    Быдэс нунал ӵоже музейлэн интывылаз паймымон гур – лӥяллэсь тылскем — ужалоз, отын вань мылкыд карисьёс асьсэлы табань пыжыны быгатозы.

    Воргоронъёслы «жугиськонъёсын» кужымзэс возьматыны ӵекто. Ваньмыз Лудорвай сямен шудонъёсы пыриськыны быгатозы: тупен хоккей, гурт боулинг но кёрлинг.

    12 часысен 15 часозь «Пирдан. Сюан шыкыслэн лушкемылкез» («Приданое. Тайна свадебного сундука») адӟытон (0+) ужалоз.

    Масленчалэн ужанралыкез:

    12:00 – Масленчаез пумитан;
    12:30 – балаган возьматон;
    12:30 – «йӧ юбо», «атас жугиськон», батыръёслэн нюръяськонъёссы;
    12:30 – паймымон лӥял «пыж но си»
    12:30 – Лудорвай сямен шудонъёс: тупен вӧйдыр хоккей, гурт боулинг но кёрлинг;
    13:30 – «мыжыкъёсын жугиськон», «борддор вылэ борддор», «лымы карез басьтон»;
    14:30 – Масленча сульдэрез сутон;
    12:00-15:00 — «Пирдан. Сюан шыкыслэн лушкемылкез» адӟытон.

    https://udmurt.media/udm/news/kultura-i-turizm/51624/