«Палэзё пужыос» нимо адӟытон усьтӥськоз Ижкарын

    «палэзё пужыос» нимо адӟытон усьтӥськоз ижкарын 1

    Возьматонэ поттэмын луозы вашкала но туала амалъёсъя лэсьтэм киужъёс. Со пужъятэм, керттэм, басма юдэсъёслэсь лэсьтэм арбериос. Озьы ик горд сюйлэсь, кортлэсь, куролэсь синпелетъёс но крезьгуро инструментъёс.

    Адӟытон Якшур-Бӧдья ёросысь усточиослэн центрзылы 25 ар тырмонлы сӥземын. Пусыны кулэ, кибашлыослэн ужъёсазы нимысьтыз инты басьтэ палэзьлэн тодметэз кадь яркыт горд буёл. Соин емышъёс кисьман вакытэ радъяськись адӟытон «Палэзё  пужыос» нимаське.

    Удмуртъёс палэзез утись писпуэн лыдъяло. Со удалтон, семьялэсь шудзэ, коркаез сьӧд кужымъёслэсь  утись пус луэ.