«Палэзян» фестиваль улсын рок-концерт ортчиз

Фестиваль 6 ар ӵоже радъяськытозь, рок-группаос нырысьсэ люкамын. Удмуртиын сыӵе коллективъёс чиньыен лыдъямон. «Та пумиськон соос понна выль ӧре валтон мед луоз, — шуиз фестивальлэн режиссёрез Дмитрий Корепанов, — азьпалан рок-крезьгурасьёсмы милемыз одно ик паймытозы шуыса оскем потэ».

Нош Дмиртиез паймытиллям куноос. Марий Элысь Марина Садова но «Куат» рок-группа. «Пусйымон соиз, «Куат» рок-группа туж егит ай, — азьланьтэ Дмитрий, -кылдытэмын со фестиваль азьын гинэ. Нош музыкантъёслэн быгатонлыкъёссы туж шӧдскымонэсь ини. Комиысь «Севериада» — зэмос рок-группа. Солэн бадӟым но паськыт азьлань сюресэз».

23-тӥ куарусёнэ «Палэзян» фестиваль ужзэ азьланьтоз Армян черкын. Си инструментъёсын крезьгуралозы Удмуртиысь крезьчиос но Финляндиысь кантелен шудӥсь Минна Раскинен.

Фестиваль йылпумъяськоз «Аксион» культурая Дворецын бадӟым Гала-концертэн. Отчы пыриськозы Удмуртиысь но мукет кунъёсысь лыктэм группаос, кырӟасьёс.