Пӧртэм выжыысь пиналъёс понна нырысетӥ фестиваль ортчоз Удмуртиысь Калыкъёслэн эшъяськон юртазы

Огазеяськонлэн тӧроез Майя Шушковалэн верамезъя, ужрадэ куать команда пыриськоз: удмурт но бигер гимназиосысь дышетскисьёс, озьы ик немец, еврей, армян но азербайджан пиналъёс.

«Оскиськом, вуоно арын командаосмы тросгес луозы. Оло, таджикъёс но мылкыд карозы», — шуэ  Майя Шушкова.

Фестивале пыриськисьёс ас лулчеберетэнызы тодматозы но мукет калыкъёс сярысь тунсыкозэ, выльзэ тодозы. Со понна соос ас кылъёсынзы плакатъёс дасялозы, тулыс шулдыръяськонъёсъя сценкаосты синхрон амалэн берыктыса возьматозы. Со сяна, пиналъёс мукет командаослы ас калыксы сярысь юанъёс сётъялозы. Озьы ик соос йӧскалык сиён-юонъёссэс пӧралозы но соосын вакчияк тодматозы, ог-огзэс куноятозы.

https://udmurt.media/udm/news/kultura-i-turizm/55662/