Пӧртэм выжы калыкъёс шахматъя турнире пыриськизы

Турнир ортчытӥське элькунысь йӧскалык политикая азьвыл министрез Владимир Завалинэз буре вайыса.

Ӟечгес шахматэн шудыны дышетскыны, спортэн эшъяськыны, пӧртэм выжыысь калыкъёсты огазеяны – ужрадлэн валтӥсь ужпумъёсыз. Удмуртиысь йӧскалык огазеяськонъёс куспын радъяськись шудон 5-тӥзэ ортче. Шахматэн шудон котыраз будӥсь но кыдам, пинал но арлыдо калыкез огазея.

«Арлы быдэ тросгес но тросгес калык луэ, – шуэ йӧскалык политикая министр Лариса Буранова. – Мон туж шумпотӥсько, туннэ туж трос пиналъёс, кӧжы кадь татын бызьыло ваньзы. Та пичильтыкъёс, кудъёсыз али татчы лыктӥзы, соос валалозы, ми та музъем вылын улӥськомы, ми ваньмы ӵош шуыса. Со тужгес но кулэез, мон шуысал».

Туэ шахматъя турнире 100-лэсь трос шудӥсьёс пыриськизы. Бадӟымъёс куспын нырысетӥ интые потӥзы белорусъёс, 2-тӥ – бигеръёс, нош куинетӥ луиз ӟуч лулчеберетъя огазеяськон. Нош покчиос пӧлын вормиз “Созвездие” огазеяськон.

http://www.myudm.ru/

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий