Пӧртэм калыкъёслэн парадзы, этнобаттл но концерт ортчытозы Россилэн куншетэзлэн нуналаз Дэбесын

«Ӧтиськомы национально-культурной объединениосты, кудъёсыз милям районын уло, ӧтиськомы на мукет районъёсысь но мурт калыкъёсты, кудъёсыз милям уг уло районамы — Играысь, Кезысь, Шарканысь. Ваньзэсты ӧтиськом огазеяськыны Россилэн флагез улсын, ваньзылы корка сётэ шуыса Россия», – шуэ Дэбес ёросысь Лулчеберетъя но туризмъя «Сибирский тракт» центрысь сяме пыӵам лулчеберетъя методист  Галина Опарина.

10 часын пӧртэм выжы калыкъёслэн парадзы кутскоз. Собере Дэбес ёросысь ансамбльёс, нимаз кырӟасьёс, нылпи коллективъёс концерт возьматозы. Озьы ик котькудӥз йӧскалык огазеяськон ас калыкезлэн лулчеберетэныз, куншетэныз тодматоз. Со дыре ик нылпи площадкаос ужалозы.

«Ымныръёсазы суредалозы флагъёсты. Росси флагез ми лэсьтом сюлэмъёсын, бумагае сюлэмъёсын радъялом — тӧдьызэ но, гордзэ но, лыззэ, но полосказэ. Сэре асфальт вылын суредалозы на пиналъёс флагез. Соос быгато Росси флагез но суреданы, асьсэлэсь но, национальной флагзэс. Конкурс ӧвӧл, кин быгатэ, сое озьы ик лэсьтоз. Но пичильтык кузьымъёс сётомы, дыр, пиналъёслы», – вера Галина Опарина.

Галина Опариналэн верамезъя, концерт бере бадӟым хоровод чакламын.

«Али егитъёс сямен этнобаттл лэсьтом — котькуд культурамы эктоз, возьматоз асьсэлэсь эктонзэс. Огазеяськом сыӵе бадӟым хороводэ, круге», – шуэ Галина Опарина.

Фестивалез Денис Майдановлэн «Флаг моего государства» кырӟанэныз йылпумъяны чаклало. Сое вань люкаськем калыкен ӵош быдэстыны малпало, соин ик кылъёссэ азьвыл ик дышетыны ӵекто.

Лулчеберетъя но туризмъя «Сибирский тракт» центрысь ӧнерчи верамъя, кылем арын та ужрадэ 150 пала адями вуылӥз — пыриськисьёс но учкисьёс, нош туэ 300 адями люкаськоз шуыса оско.

Галина Опариналэн кылъёсызъя, туннэ Дэбес ёросын кызё пала калыкъёс уло. Лулчеберетъя йӧскалык огазеяськонъёссы кылдытэмын ньылезлэн — удмуртъёслэн, ӟучъёслэн, бигеръёслэн, азербайджанъёслэн. Та дыре украинецъёс со уж борды кутскизы.

https://udmurt.media/udm/news/obshchestvo/40144/

 

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий