Осконэн герӟаськем упумъёслы сӥзем конференци ортчоз

Ужрадлэн одӥгез мугез – со сям-йылолъёсты наука, лулчеберет но православи ӧръёсын азинтон.

Форуме пыриськозы Зуч Православной Черклэн епархиезлэн но православной мер огазеяськонъёслэн ёзчиоссы, тодосчиос, краеведъёс, музейёсын но лыдӟиськонниосын ужасьёс.

Люкаськемъёс пӧртэм ужпумъёсъя вераськозы: Поволжьеын но Предуральеын улӥсьёслэн оскон йылолъёссы, православной культуралэн йӧскалык кылъёслэн азинсконазы интыез, православной текстъёсты берыктон ужлэн мынэмез, Ӟуч Православной Черклэн но лыдӟиськонниослэн кусыпъёссы егитъёсты югдытонын.

Форум улсын выль книгаосын тодматскон чакламын – М.Атамановлэн удмурт кылын Библиеныз но В.Пуцек-Григоровичлэн «Преосвященный Вениамин» мультмедийной уженыз.

Озьы ик ужалоз «Свет веры и слова: просветительство народов Поволжья и Предуралья» нимо книгаосын адӟытон.