Ӵошатско песянайёс

Та нуналлы элькун конкурсэ пыриськыны дась луэмзэс веразы18 ӵужайёс но нэнэйёс -ивортэ «Удмурт дунне» газет. Калык творчествоя юртысь валтӥсь методист Юлия Ситникова верамъя, конкурсэ пыриськыны малпасьёслы одӥг гинэ курон пуктэмын — соослэн 3 яке солэсь ятыр нуныкайёссы мед луозы.

— Нылкышноос мыло-кыдо вазиськизы. Кылсярысь, конкурсэ пыриськозы Пичи Пурга, Дэри, Сюмси, Эгра, Воткинск, Якшур-Бӧдья, Юкаменск, Сьӧлта, Каракулино, Балезино, Шаркан, Алнаш, Яр, Красногорск, Кизнер но Сарапул ёросъёсысь бабушъёс, — шуэ Юлия Алесандровна.

Конкурсын кык люкетэз луоз. Нырысетӥез нимаське «Лул-сюлэмзы егит», кыкетӥез — «Зарни визьлык». Сояз но таяз бабушъёс возьматозы, арлыдзы шоры учкытэк соос егитэсь, задоресь шуыса, вералозы, кызьы будэто, визьмало нуныкайёссэс.