Нылпиослы «Гербер» шулдыръяськон ортчытӥзы Сарапулын

Шулдыръяськонэ карысь нуназе ужась гужем лагерьёсы но сводной отрядъёсы ветлӥсь пиналъёс люкаськизы. Соосты йӧскалык праздниклэн историеныз, сямъёсыныз но йылолъёсыныз тодматӥзы. Нош эктонъя «Радость» коллективе пыриськисьёс «Луговые колокольчики» удмурт эктонэз быдэстӥзы.

Озьы ик нылпиослы пӧртэм шудонъёс радъямын вал. Пиналъёс «Шудон» станцие вуылӥзы. Отын удмурт калык шудонъёсын тодматскизы. Творчествоя «Удмурт кыл-корка» площадкаын удмурт калыклэсь улэм-вылэмзэ адӟизы. «Крезьгуран» мастер-классын «Лымы тӧдьы» кырӟанэз дышетӥзы. Нош ужрадэз йылпумъяса бадӟым круген бергазы но нерге ӝукен кунояськизы.