Нылпиослэн но егитъёслэн театръёссылэн огъяросси фестивальзы ортчоз Удмуртиын
Пыриськисьёс Россиысь калыкъёслэн кылъёсынызы конкурс ужъёссэс но йӧскалык литературая пуктэм спектакльёссэс возьматозы.
Вожвылъяськон кык люкетэн ортче. Удмуртиын радъям элькун люкетаз нылпиослэн но егитъёслэн 50-лэсь трос театръёссы пыриськизы. Устоосыз огъяросси фестивальын улосвыллэсь данзэ утёзы.
Россиысь мукет улосвылъёсты верано ке, туннэ тодмо ни фестивале Тыва Элькунысь Кызыл карысь Пинал учкисьлэн театрез пыриськоз шуыса. Коллектив «Алдынкушкаш» тува выжыкылэз возьматоз.
Фестиваль ужрадъёс Ижкарын но Воткаын ортчоз. Сӥё-дано усьтон Воткаысь «Юбилейный» лулчеберет юртын луоз. Конкурс возьматонъёс Удмуртиысь Йӧскалык театрын но Калык творчествоя элькун юртын радъяськозы. Фестивалез ворсан но Нылпиосты утён нуналлы сӥзем праздникез Горький нимо гужем садын ортчытыны чакламын.
Со сяна, фестиваль-вожвылъяськон улсын мастер-классъёс, театр капустник, экскурсиос, творчествоя пумиськонъёс радъяськозы.
Фестиваль тунсыкъяськисьёслэн йӧскалык театръёссылы юрттон вылысь радъяське.