Нылпиослэн «Гуждор» фестивалязы вуиз 10 коллектив

Ужрад радъяськыны кулэ вал шутэтсконъя «Тылыс» базаын. Куазь зорыса улэмен, ужрад быдэсак радъяськиз ёросысь культурая юртын. Учкисьёс быдэс зал тыр люкаськизы. Таиз ужрад сӥземын вал мунёлы. Юкаменск, Глазов, Балезино, Шаркан, Кизнер, Эгра, Яр ёросъёсысь 10 коллективъёс люкаськизы. Сцена вылын возьматэмын вал удмурт, ӟуч, бигер, бесерман йылол-сямъёс. Котькуд коллективлы «Гуждор-2018» гожтэмен торт кузьмазы. Отӥяз нылпиос пыриськизы шаертодонъя квест шудонэ, ужрад йылпумъяськиз бадӟым эктонэн но майтал шоуэн.