Нылпи суредъёсъя «Вить дуно кылъёс» вожвылъяськонлы йылпумъянъёс лэсьтэмын

Вожвылъяськонлэн куронъёсызъя ужъёс кутӥськизы 4-сен 8 аресозь удмурт кылэз тодӥсь нылпиослэсь. Пиналъёс асьсэос малпаны кулэ вал дуно луись вить кылъёсты но соос вылэ пыкиськыса суред малпаны.

Конкурсэ 48 уж вуиз. Жюрилэн ёзчиезлэн, Кузебай Герд нимо гимназиысь суредаськонъя дышетӥсьлэн Галина Матвеевалэн пусъемезъя, суредъёс таӵе критерийёсъя дунъяськизы: вожвылъяськонлэсь куронъёссэ быдэстон, суредын ялэм пуштросэз чаклан, суредаськыны быгатонлык, малпанлэн аспӧртэмлыкез. «Жаляса верано, куд-ог пинал суредаськисьёс вунэтӥзы конкурслэн валтӥсь куронэз сярысь — уж вылазы ик пусйыны-гожтыны быръем кылъёссэс. Оглом ужъёс пуштросо сюжетэнызы шумпоттӥзы», — вераз Галина Николаевна.

Тужгес усто 3 суредъёслэн авторъёссы «Билингва. О практиках формирования двуязычия в современной городской среде» ӵектослэсь кузьым басьтозы. Со сяна, вожвылъяськонэ пыриськем 17 пиналъёслы но синпель кузьым чакламын. Конкурсэ ужзэ келям котькуд суредаськись басьтоз нимысьтыз сертификат. Вормисьёсты сӥлы карон ужрадэз ортчытыны чакламын Нылпиосты утён нуналэ — 1-тӥ инвожое.

Ӵектослэн партнёрез луиз «Удмурт нылкышно кенеш» огазеяськон. «Ми туж шумпотӥськом, утэм грантлы луыса Элькунамы кӧня ке пӧртэм вожвылъяськонъёсты ортчытыны луонлык кылдӥз шуыса, — пусйиз «Удмурт нылкышно кенеш» огазеяськонлэн кивалтӥсез Надежда Степанова. – Та выллем вожвылъяськонъёс нылпиослэсь творчествоя но вераськонъя быгатонлыкъёссэс волятыны юртто. Удмурт кыллэсь инлыксэ но анай-атайёссы азьын ӝуто».

«Вить дуно кылъёс»конкурслы йылпумъянъёс:

1-тӥ инты – Мензарипова Аня.

2-тӥ инты – Петрова Настя.

3-тӥ инты – Акаева Кира.

Синпель кузьымъёсын озьы ик пусйисько:

  1. Настя Николаева
  2. Пельтэмов Владислав
  3. Батрова Ульяна
  4. Байсарова Софья
  5. Михайлов Эрик
  6. Петров Дима
  7. Сараматов Артем
  8. Вагинова Лера
  9. Бехтерев Алексей
  10. Иванов Матвей
  11. Ложкина Ульяна
  12. Тарасова Арина
  13. Михеев Саша
  14. Баймурзина Арсения
  15. Мишкин Константин
  16. Вахрушева Кристина
  17. Мизирова Арина

Конкурсэ ужзэ келям котькуд суредаськись басьтоз нимысьтыз сертификат.

Поделитесь с друзьями:

Контентмейкер, мемолог и журналист

Дом Дружбы народов
Добавить комментарий