«Нуныкай» огъетын кык кылын вераськись нылпиос понна театръя дышетсконъёс ортчо

Тодады вайытом, миым «Билингва. О практиках формирования двуязычия в современной городской среде» ӵектос азьмурт грантъёсъя Фондэн ялэм вожвылъяськонын вормиз.

Ӵектослэн кивалтӥсезлэн Татьяна Волковалэн пусъемезъя, театръя студия усьтон пумысен кык кылын вераськись нылпиослэн анай-атайёссы вазиськизы – таӵе студия Ижкарын ӧй на вал.

Дышетонъя программаез дасян борды басьтӥськиз удмурт нылпиос понна «Шудон корка» телепередачалэн авторез но нуисез Ольга Фархутдинова.

«Театр – аспӧртэм дунне, нылпиослы со мылкыдъёссы ласянь туж матын луэ, – пусъе Ольга. – Театрен шудон пиналъёслэсь быгатонлыкъёссэс усьтыны юрттэ, лулдуннезэс узырмытэ».

Театръя студиын пумиськонъёс ортчо арняяз огпол кык пӧртэм группаосын – нимаз 5-сен 7-озь но 8-ысен 9 аресозь нылпиос понна.

Покчиос «Теремок» ӟуч выжыкылъя «Лы корка» нимо мунё спектакль дасяло, бадӟымъёсыз «Репка» выжыкыл пуктон бордын тыршо.

«Кельшиз занятиослэн радлыксы – пиналъёс куараосынызы но «ужазы», пӧйшуръёслэсь но нымы-кибыослэсь удмурт нимъёссэс тодазы ваизы».

«Пиналъёс театр сярысь кенешыны кутскизы, актёръёс азьын сылӥсь ужпумъёсты тодазы ваё, асьсэды пӧртэм образъёсын эскеризы, нош пумиськонзэс йылпумъязы чиньы мунёосын «Колӟо» выжыкылэз удмурт кылын пуктыса».

«Эшшо огпол валай театръя шудонъёслэсь пайдалыксэс – востэм нылпи дӥсьтӥсьгес луэ. Малы ке шуоно, дышетскон шудон пыр радъяське» – сыӵе малпанъёссэс шараяло мерлыко вотэсын нылпиоссэс театръя студие нуллэм анай-атайёс.

Театр студиысь дышетӥсьлэн, «Нуныкай» центрысь ӧнерчилэн Ольга Фархутдиновалэн валтӥсь ужпумез – удмурт нылпи телепередачаослы пинал нуисьёсты дасян: «Ми доры ветлӥсь нылпиослэн творчествоя будэмзы шумпоттэ.

Соос уг ни кепырало, калык азьын асьсэзыз сэзь возё, удмурт кылын но ӵемгес вераськыны кутскизы».

Поделитесь с друзьями:

Контентмейкер, мемолог и журналист

Дом Дружбы народов
Добавить комментарий