Нимыз юнме шорысь ӧвӧл
«Кузебаез» усьтӥзы Ксения но Герман Сусловъёс. Лавкаын басьтыны луэ публицистической, документальной но чеберлыко ужъёсты, туала театрлы, кинолы, искусстволы, фотографилы сӥзем книгаосты но журналъёсты. Нимысьтыз ӝажы висъямын Удмуртиысь авторъёслэн ужъёссылы.
Герман Суслов верамъя, Кузебай Гердлэсь нимзэ егитъёс юнме бырйиллямтэ: «Кузебай» табыш поттон понна малпамын ӧй вал, валтӥсез — калыкез югдытон, ӟеч но шер пумиськись книгаосын тодматон.