Нимлыко ужкагазъёсты ӟучысь удмурт кылэ берыктӥсь ёз выльысь кылдыны быгатоз Удмуртиын

Удмурт кылэз ужлыко удысын кутон сярысь юанлы валэктон сётыса, министр «Ивортодэт, ивортодэт технологиос но ивортодэтэз утён сярысь» федерал катэз тодэ вайытӥз, отын гожтэмын кун но аскивалтон ёзэсъёс асьсэ ужзы сярысь ивортодэтэз, со пӧлын вотэсын, ӟуч кылын но Россиысь элькунлэн кун кылыныз сётыны кулэ шуыса.

“Катлэн та положениезлы сокем бадӟым саклык али уг висъяськы, угось сыӵе луонлыкъёс ӧвӧл, жаляса верано. Но ми со пала клленэн мынӥськомы. <…> Мон, кылсярысь, лыдъясько, со кун кыл ке – со инлык, Кункатэн сётэм инлык. Озьыен, кун кыл гуразьпалан вераськонъёсын гинэ ӧвӧл, нимлыко кенешонъёсын но кутӥськыны быгатэ но кулэ”, – вераз Лариса Буранова.

Солэн кылъёсызъя, али кун кылъёс сярысь элькун катэ воштонъёсты дасяло, отын кун но муниципал ёзэсъёсты нимлыко вотэсбамъёссэс кык кылын нуыны курон но пусъемын луыны быгатоз. Кин берыктон ужез выроз, соиз ини «технической» юан, лыдъя Лариса Бурнова.

“Катэ воштонъёс пыртэмен валче ми кун тӧрлык ёзэсъёсын берыктӥсь ёзэтлэсь ужзэ улӟытон сярысь но вераськыны кутском ни, оло. Со 2000-тӥ арозь кадь ужаз вал, отын кык адями пукиз. Яке ми бордын сое лэсьтозы, ми али берыктонъёсын выриськомы, но сокем паськыт ум. Но соин вырыны кулэ” – шуиз Лариса Буранова.

Тӧрлык ёзэсъёслэн вотэсабамъёссы ӵуказе ик кык кыло луозы шуыса вераны вазь на, шуиз Лариса Буранова. Туннэ удмурт кылын иворъёс йӧскалык политикая министерстволэн но Кун Кенешлэн сайтъёсазы гинэ пото. Мукетъёсыз со ужпумез сэрттон-пертчон борды али уг басьтӥсько.

“Онлайн-вӧлметын кун кыл ласянь юанъёс вань на. Али ми Информатизацияя министерствоен малпаськиськом, кызьы но кыӵе регламентъёсы онлайн-вӧлметын кылъя, кун удмурт кылъя, кылкутонэз но ужез радъянэз пыртоно. Малы ке шуоно асьмелэн нокытын но, одӥг нормативкаын но, та ӧр гожтэмын ӧвӧл. Со но бадӟым уж”, – вераз Лариса Буранова.

https://udmurt.media/udm/news/obshchestvo/50587/

 

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий