Немец огазеяськонъёслэн ёзчиоссы семире люкаськылӥзы

Семинар 2 площадкаосын мыниз: «Медиауж» но «Кыл бордын уж».

Нырысетӥ нуналаз семинаре пыриськисьёс «медиа, smm» терминъёсын мургес тодматскизы. Нош мукет нуналаз журналистикалэн валтӥсь ужпумъёсыз сярысь доклад кылзизы. Дышетскизы мер вотэс бамъёсысь группаосын ивортонъёссэс шонер интыяны.

«Кыл бордын уж» площадкаын егитъёс немец кылэз усто дышетыны но дышетон амалъёсты эскеризы. Люкаськемъёс асьсэлэн ужзы сярысь веразы, мукетъёссэ асьсэлы асэстон вылысь кылзизы.

Та пумиськон люкаськемъёсты мур герӟаны быгатӥз. Тодматскемзы, басьтэм тодон-валанъёссы азьпалан Россиын улӥсь немецъёслэсь выль проектъёс бордын ужзэс азьланьтыны юрттоз.