Музей сярысь анай кылын видеоверанъёс гожтыны ӵектэ «Лудорвай» заповедник
«Отын валтӥсез курон — со кулэ луыны анай кылын. Бигер-а тон, пор-а тон, удмурт-а, вераськод аслад кылыныд музей сярысь котьмар — ку вал, марлы ветлӥды (экскурсие яке кыӵе ке ужрадэ), маиз кельшиз, маиз ӧз кельшы, маиз тужгес но тодэ кылиз. <…> Собере пумаз ӟуч кылын вакчи гинэ берыктон яке субтитръёсын яра», — вера Анастасия Иванова.
Видеоужъёсты южтолэзь пумозь музейлэн электрон почтаяз келяно: ludorvay@mail.ru. Вуэмзыя соосты ужъюртлэн «ВКонтакте» вотэсысь огинлыказ интыялозы.
Анастасия Ивановалэн верамезъя, ваньмызлы акцие пыриськисьёслы «Лудорвай» музейлэн кыӵе ке но ужрадаз билетъёс кузьмалозы.
Ватсалом, Анай кыллэн калыккуспо нуналэз быдэс дуннеын 21-тӥ тулыспалэ пусйиське.