Мурӝол Underground но ShooDJa-ChooDJa вожвылъяськозы калык крезьгуръя Росси премия понна

2016-тӥ арын нырысьсэ Россиын профессиональной крезьгурасьёс пӧлын калык крезьгур удысъя премия сётэмын луоз.

Солэн валтӥсь ужпумез — Россиысь калык крезьгурез кунын, но кунгож сьӧрын вӧлмытон, калык крезьгуръя индустриез кылдытон, Россиез вашкала узыр йылолъёсын кунэз сямен возьматон, калык крезьгур удысысь выль нимъёсты усьтон.

Вожвылъяськон куинь ӧръёсъя мыноз: устоез этно ӵектос, устоез выль этно ӵектос, учкисьёслэсь кузьым. Ужъёсты дунъялозы калык крезьгур удысэз тодӥсь-валасьёс, Россиысь, но кунгож сьӧрысь ӧнерчиос.

Мурӝол Underground «Сирень» кырӟанзэ дунъяны ӵектэ, ShooDJa-ChooDJa — сюан гурез. Дунъясьёс1-тӥ гудырикошконысен 1-тӥ куарусёнозь ужалозы. Коньывуонэ вормисьёсты пусъён ортчоз.