Мунаджатлы сӥзем праздник ортчоз Ижкарын куарусёнэ

«Ми ӵем ветлӥськомы Казаньын ортчылӥсь пӧртэм мастер-классъёсы, тодонлыкез будэтонъя курсъёсы. Берлозэ ветлыкумы Тюменьысь бигеръёсын эшъяськимы. Соос манаджатлы сӥзем праздникъёсты ялан ортчытъяло шуыса веразы, радъяменызы тодматӥзы. Удмуртиын но сыӵе ужрад лэсьтыны малпамы. Кылем арын пыриськисьёс трос вал. Татарстанысь, Удмуртилэн уйпал ёросъёсысьтыз куноос вуизы. Соос песянайёссылэсь, пересь песянайёссылэсь кылем мунаджатъёссэс быдэстӥзы. Туш шуныт мылкыдо вал», — вера Калык творчествоя «Спартак» юртысь ӧнерчи Рафиля Расулева.

Радъясьёслэн верамзыя, кылем арын празднике мӧйы муртъёс пыриськизы. Таяз арын пиналъёс асьсэдыз возьматозы. Озьы ик мастер-классъёс ортчозы. Кырӟанъя дышетӥсь, крезьгуро коллективлэн кивалтӥсез Диния Каримуллина празднике лыктэмъёслы валэктоз, кызьы быдэстоно мунаджатъёсты. Со сяна, Казаньысь ӧнерчиос лыктозы.

«Мунаджатъёс мусульман этикаез пыӵатыны юртто, соос пыр калыклэсь историзэ но йылолъёссэ тодыны луэ. Соос вуныны кутскизы ни, милям искусстволэн та ӧреныз егитъёслэсь тунсыкъяськонзэс сайкаттэмы потэ. Котькуд мунаджатын аслаз историез, аслаз ӝожез но шумпотонэз. Отын тужгес сюлмоез адӟиське — калыклэн лулыз, – вера Рафиля Расулева».

http://udmurt.media/udm/news/kultura-i-turizm/23812/

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий