«Мумыдорлэн» кузёез Николай Михайлов “Орден ладошки” данъян пуслэн кавалерез луиз

Николай Михайлов – Ижкар вӧзысь «Мумыдор» огъетлэн кузёез. Аслэсьтыз юртъер котырзэ гуртлы матын кариз. Татчы ӵемысь кар улонлэсь жадем пиналъёс экскурсие лыкто – гурт пудо-живот котыртӥ бергало, инкуазез эскеро, шудо, ческыт пӧрамен куноясько. Соин ӵош удмурт калыклэн сям-йылолъёсыныз тодматско. Макем огшоры но сокем тунсыко потэ татын «Мумыдорлэн» куноосызлы.

Николай Трофимович трос гинэ данъянъёс люказ ини – КГБ-ын ужамез понна, калыкен тыршемез понна. Нош нылпиослэсь таӵе быръёнзэс «Мумыдорлэн»  кузёез уката но бадӟым данъетэн лыдъя.

«Сюрс пала нылпиос учкизы мынэсьтым ужме и соос монэ бырйизы, малы ке шуоно соослы кельше мынам уже, соос мӧзмизы ини таӵе улонлэсь. Соослы тунсыко, кызьы уло вал пересьёссы, анай-атайёссы . Мон валасько, мынам уже, кудзэ мон нуисько, со туж кулэ соослы», – шуэ Николай Михайлов.

http://www.myudm.ru/

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий