Можгаысь удмурт нылкышноосын кивалтӥсез юнматӥзы
![Фото надежда кокарева можга ёрос](https://udmddn.ru/wp-content/uploads/2022/03/Nadezhda-Kokareva.jpg)
11-тӥ южтолэзе Можгаысь «Удмурт кенеш» огазеяськонлэн ёзчиосыз правление люказы, ёзэтлэн ужаз воштӥськонъёсты юнматӥзы
Можга кар но ёрос ёзэтэн кивалтӥсез ужезлэсь дырызлэсь вазьгес куштӥськемен, кивалтӥсьлэсь ужзэ быдэсъяны оскемын Григорий Владимировлы — ёзэтлэн азьвыл кивалтӥсезлэн воштӥсезлы, Пичи Кенешлэн ёзчиезлы, Можга карысь дышетӥсьёсты дасянъя Трокай Борисов нимо колледжлэн кивалтӥсезлы
![Можгаысь удмурт нылкышноосын кивалтӥсез юнматӥзы 1](https://udmddn.ru/wp-content/uploads/2022/03/vladimirov-mozhga-yoros-pedkolledzh-edited.jpg)
Люкаськемъёс озьы ик эскеризы «Удмурт нылкышно кенеш» огазеяськонлэн ёрос ёзэтэзлы кивалтӥсе кандидатураез. Можга карысь но ёросысь нылкышноосын ужаны быръемын Надежда Кокарева — Бадӟым Учаысь территориальной отделлэн кивалтӥсез.
![Можгаысь удмурт нылкышноосын кивалтӥсез юнматӥзы 2](https://udmddn.ru/wp-content/uploads/2022/03/mozhga-yoros-udmurt-kenesh-edited.jpg)
Правлениез нуиз Можгаысь ёрос но кар кенешлэн азьвыл кивалтӥсез, али дыре Йӧскалык политикая министрлэсь ужзэ быдэсъясь Эдуард Петров.