Можгаысь Тол Бабайёс йӧскалыккуспо слётэ люкаськылӥзы

    Калыккуспо слётэ пӧртэм выжы калыкъёслэн 5 Тол Бабайёссы люкаськизы: ӟуч Дед Мороз, удмурт Тол Бабай, бигер Кыш Бабай, армян Кахан Пап, чиган Нэво Пхуро.

    Выжыкыл геройёс люкаськемъёслы асьсэлэн кылдэмзы сярысь мадизы. Паймытӥзы быгатонлыкъёсынызы но. Дед Мороз — тужгес но шулдыртӥсь, шудонъёс ортчытӥз, Тол Бабай – тужгес но эктӥсез, тыпыр-тапыр эктӥз, Кыш Бабай – тужгес но туалаез, селфи лэсьтӥз, Кахан Пап – тужгес но эшлыкоез, эшъёссэ йӧскалык эктонэ огазеяз, Нэво Пхуро – тужгес но кырӟасез, аспӧртэм куараеныз паймытӥз.

    Слётын котькуд Тол Бабайлы сертификат сетӥзы.