Можгаын «Выль» шулдыръяськонлы йылпумъянъёс лэсьтӥзы
Толон Можгаын «Выль» шулдыръяськонлы йылпумъянъёс лэсьтӥзы. Туэ со 6-тӥ гудырикошконэ городысь шор паркын ортчиз.
«Выль» — вашкала удмуртъёслэн праздниксы, сое пусйыкузы, удмуртъёс тау каризы Инмарлы, Куазьлы, Кылдысинлы ӟеч емыш понна.
Туала «Выль» шулдыръяськон вашкала йылолъёсын гинэ уг улы. Кылсярысь, «Выль базар-азбар» сэрегын вань мылкыд карисьёс выль емышенызы вуз каризы. «Выль кужым – Байге» сэрегын куспазы вожвылъяськизы Башкириысь но Удмуртиысь батыръёс. Семьяос асьсэдыз котыр ласянь «Выль семья» конкурсын возьматӥзы, нош нылъёс но пиос «Егит мылкыд – юмал йӧлпыд» шудонэ пыриськозы. Со сяна праздникын бакча сульдэръёслэсь быдэс адӟытон пӧрмиз.
Праздникез радъям муртъёсты таукаронъёсын пусйиз Йӧскалык политикая министр Эдуард Петров.