Можгаын «Мистер Этно»-ез быръёзы

«Мистер Этно- 2016» ним басьтон понна вожвылъяськозы 16-сен 30 аресозь пӧртэм выжыысь анай кылзэс, калык лулчеберетэз, сям-йылолъёсты тодӥсь егитъёс. Ужрад ортчоз Ныша культура юртын 16-тӥ шуркыномнэ.

Вожвылъяськон 4 люкетъёсъя мыноз: пиослэсь ас выжыоссэс тодэмзэс эскерозы, калык дӥськутсылэсь пӧртэмлыксэ возьматыны курозы, пӧраськыны быгатэмзэс дунъялозы, «Этно-диктант» конкурсын тодон-валанъёссэс чаклалозы.