Можгаын чиганъёслэсь нуналзэс пусъёзы

Можгаын чиганъёслэсь нуналзэс пусъёзы. Ужрад 28-тӥ оштолэзьлы чакламын. Со улсын ортчоз чиган лулчеберетлы сӥзем «Золотая подкова» ӝыт.

Можга кар котырын чиганъёс вашкала дырысен уло. Таӵе ужрадэз 2-тӥ арзэ ортчытӥське. Можгаысь «Тэрнэн» чиган ансамбльлэн кивалтӥсез, ёросысь «Вместе» огазеяськонлэн ёзчиез Ева Краснопёрова кичӧлтэмен, туннэ Можгаысь чиганъёс вань кар но ёрос ужрадъёсы мылысь-кыдысь пырисько.

Чиган лулчеберетлы сӥзем ӝытлы бадӟым концерт дасяло. Программае пыриськозы артысь ёросъёсысь но чиган коллективъёс.

Чиганъёслэн дунневыл нуналзы 8-тӥ оштолэзе пусйиське. Ӵапак со нуналэ 1971-тӥ арын Лондонын чиганъёслэн нырысетӥез дунневыл конгрессы ортчиз. Солэн ужаз пыриськизы 30 кунъёсысь чиган делегатъёс. Конгрессын выжы калыклэн куншетэз но гимнэз юнматэмын. Со арын ик Великобританиын чиганъёслэн калыккуспо огазеяськонзы кылдытэмын.

Туннэ чиганъёслэн дунневыл нуналзэз асьсэос чиганъёс гинэ уг пусйё, соос борды итӥсько чиган лулчеберетэз гажасьёс но.

Туспуктэм: http://mozhgatv.ru/