Можга ёросысь «Марӟан» ансамблез фольклоръя калыккуспо фестивальлэн нимысьтыз номинацияз пусйизы

“Удмурт лулчеберетэз кӧня ке коллективъёс возьматӥзы, соос пӧлын Сибы гуртысь культура юртысь фольклоръя «Марӟан» калык ансамбль, кивалтӥсез А. Б. Спиридонов. Милям коллективмы Вылӥ степенё лауреатлэсь дипломзэ басьтӥз”, – ивортэ Можга ёрослэн пресс-службаез.

Радъясьёслэн верамзыя, коллективъёс сокем синмаськымонэсь вал, троссэгес пусъён вылысь нимысьтыз номинация кылдытыны малпазы.

Фестивале озьы ик ветлӥзы Ижкарысь но Алнаш ёросысь коллективъёс. Мордовилэн шоркараз Тываысь, Чувашиысь, Марий Элысь, Удмуртиысь, Пенза, Архангельск улосвылъёсысь, Самараысь калык лулчеберетэз утисьёс вуылӥзы.

«Предание старины» фестиваль-вожвылъяськонын нокыӵе туала инструментъёс, технологиос уг кутӥсько, сцена вылысь чик воштымтэ вашкала калык крезьгур гинэ чузъяське.

https://udmurt.media/udm/news/kultura-i-turizm/35433/

 

 

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий