Можга ёросысь литературалэн нуналъёсыз усьтӥськозы Удмуртиын 30-тӥ южтолэзе

Йӧскалык лыдӟетъюртлэн «Удмурт Элькунын муниципал кылдытэтъёслэн литературазылэн нуналъёссы» ӵектон улсын соос быдэс 2018-тӥ ар ӵоже мынозы.

Ужрадын Можга карын вордскем профессор Владимир Владыкин вераськоз, Йӧскалык дышетонъя институтысь валтӥсь ӧнерчи Вера Пантелеева Можга ёросысь гожъясьёслэн удмурт литератураез азинтонын интызы сярысь докладэныз тодматоз, Можга ёросысь кылбурчиос — ужрадэ лыктэм куноос — кылбуръёссэс лыдӟозы. Со сяна, ёросысь литературалэн историез но туала вакытэ азинскемез сярысь Йӧскалык лыдӟетъюртысь ӧнерчиосын дасям видеосюжетэз возьматозы.

Литературалы сӥзем нуналъёсты усьтон дыръя ик Йӧскалык лыдӟетъюртлэн но Можга ёросысь усточиослэн адӟытонзы ужалоз, ёросысь коллективъёс кырӟанъёссэс быдэстозы.

Тодэ вайытом, 2017-тӥ ар Алнаш ёросысь литературалы сӥземын вал. 24-тӥ шуркынмонэ эстафетаез Можга ёрослы сётӥзы.

Удмуртиысь муниципал кылдэтъёслэн литературазылы сӥзем нуналъёс — элькунысь Йӧскалык лыдӟетъюртлэн ӵектосэз. Со Удмуртиысь лулчеберетъя но туризмъя министерстволэн, «Удмурт Кенеш» огазеяськонлэн но элькунысь муниципал кылдэтъёслэн администрациоссылэн юрттэменызы улонэ пыӵатӥське.

Ӵектослэн ужпумез — элькунысьтымы ёросъёслэн литератураенызы тодматон, каръёслэсь, но ёросъёслэсь кусыпсэс юнматон, литератураез тодыса, вордскем шаерез гажан мылкыд пыӵатон, ӧнерчиосты, кун но мерлык азьветлӥсьёсты лыдӟон ласянь кылдэм ужпумъёсын тодматон, литератураен герӟаськем туризмез азинтыны юрттон.

Ужрад 18 часын кутскоз.

Ивортодэтъя «Удмуртия» агентстволэн сайтысьыз басьтэмын: https://udmurt.media/udm/news/kultura-i-turizm/33888/

Поделитесь с друзьями:

Журналист, редактор, контент-менеджер сайта, СММ специалист, оператор-постановщик интернет-телеканала "Даур ТВ"

Дом Дружбы народов
Добавить комментарий