Можга ёросын семьяос куспын вожвылъяськон радъязы

Конкурсэ ёросысь 4 семьяос пыриськизы: Сюгайылысь — Кумаевъёс, Пычасысь – Петровъёс, Вуж Березнякысь – Мукановъёс, Пичи Воложикъяысь – Морозовъёс. Соос ваньзы сад-бакчаязы будэтэм емышъёссэс, быгатонлыкъёссэс но видеопрезентацизэс возьматӥзы.

Вормись луиз Мукановъёслэн семьязы. Табере соос «Семьи Удмуртии – гордость России» элькун вожвылъяськонэ мынозы.

Ужрадын концерт возьматӥзы озьы ик фольклоръя «Капчи мылкыд» ансамбль, Сюгайыл культурая юртысь артистъёс.

Нош киужъёсъя ёрос центрысь усточиос утён пусъёсты лэсьтонъя мастер-класс возьматӥзы. Вашкала удмуртъёслэн чакламъёссыя, сыӵе арбериос семьяе шуд ваё.