Можга но Алнаш ёросъёсын калык поэтэз Николай Байтеряковез буре ваёзы

Можгаысь лыдӟиськонни 19 ар ини солэсь нимзэ нуллэ. Удмурт гожъясьлэн творчествоезъя но улэм сюресэзъя трос уж быдэстэмын. Кылбуръёссэ но кырӟанъёссэ вӧлмытон акциос арлы быдэ ортчытъясько.

Вазенгес ини  библиотека усьтиз  Николай Байтеряковлы сизем виртуальной музей. Сое шедьтыны луэ интернетысь. Виртуалной музей тодматэ удмурт  писательлэн улон-вылон но ужан сюресъёсыныз. Отчы интыямын солэн биографиез, ужъёсыз. Видеовозьматон сэрегаз кылбуръёсыз чузъясько.

Писательлэсь 95 аръем юбилейзэ Можгаысь лыдӟиськонниын крезьгуро ӝытэн пусйыны чаклало.

«9-тӥ гудырикошконэ библиотекае люкаськозы Николай Байтеряковлэсь творчествозэ гажъясьёс, сое тодӥсьёс, удмурт кырӟасьёс но крезьгурасьёс», – шуиз ужъюртысь ёзэтлэн кивалтӥсез Анна Рыкова.

Нош 11-тӥ гудырикошконэ улосчизэс буре ваёзы Алнаш ёросысь Варзи Ятчиын. Ӟачча черкогуртысь арамае люкаськозы гурт калык, Николай Байтеряковез, солэсь ӵыжы-выжыоссэ тодӥсьёс, творчествоеныз тунсыкъяськисьёс. Черкогурт пумысь арамаысен гурт калык келяз пиоссэ фронтэ. Буре ваён аллеязы та толэзьысен Николай Байтеряковлэсь нимзэ нуллоз.

http://www.myudm.ru/

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий