Москваын туэ Гербер 1-тӥ пӧсьтолоэзе шулдыртоз

«Пуштросэз нош шӧдскымон висъяськоз, туэ концептэз мукет, — вера Герберез огез радъясь, Ижкарысь Эшъяськон юртысь валтӥсь режиссёр Дмитрий Корепанов. — Ижкарысь Москвае профессиональной коллективъёс гинэ мынозы». Нош 2015-2016-тӥ аръёсы Москвае Гербере Дэбес, Пичи Пурга ёросъёсысь коллективъёс пыриськизы.

«Шулдыръяськонлэн валтӥсь тодметъёсыз но пусъёсыз сярысь туннэ шара уг верало, празднике лыктӥсьёс понна пичияк кузьым мед луоз», — пусъе режиссёр.

Тодады вайтом, Россилэн шоркараз Гербер куинетӥзэ ортчоз ни. Ужрадлэн валтӥсь ужпумез — Удмуртиен, калыкен тодматон пыр пӧртэм пумо ӵектосъёслы инвесторъёс шедьтон, элькунын туризмез вӧлмытон.

http://www.myudm.ru/moskvayn-gerber-tue-nyryseti-pestoleze-shuldyrtoz