Москваын «СМИротворец» вожвылъяськонлэн федерал люкетэз кутскиз

Ужрад кутсконлэсь азьвыл МГУ-ысь журналистикая факультетын семинаръёс но лекциос, котырес ӝӧк сьӧрын кенешонъёс ортчизы. Озьы ик выжыкуспо журналистикая Гильдилэн президентэныз Маргарита Лянгеен но кун думаысь йӧскалык ужпумъёсъя Комитетлэн кивалтӥсеныз Ильдар Гильмутдиновен пумиськонъёс ортчизы.

Журналист ужъёсъя «СМИротворец» вожвылъяськонлэн федерал люкетаз быдэс кунысь Гильдилэн улосвыл ёзэтъёсыныз кивалтӥсьёс пырисько. Удмуртилэсь Москвае мынэмын  Ижкарысь Калыкъёслэн Эшъяськон юртысьтызы ивортодэтъя ёзэтэн кивалтӥсь Константин Ижболдин.

Туннэ «СМИротворец» форумлэн программаез тодматсконлы сӥземын – куноос «Москва этническая: неизвестные факты истории и современности столицы» нимо экскурсие пыриськизы, Москваысь йӧскалык юртэ вуылӥзы. Озьы ик Москваысь кун йӧскалык политикалы сӥзем котырес ӝӧке пыриськизы но «Православная Русь» адӟытонэз учкизы.

Форумлэн берпуметӥ нуналаз, 22-тӥ шуркынмонэ, люкаськемъёс федерал этаплэн этнической но улосвыл иворез вӧлмытонъя сӧзнэтлэн Медиафорумаз пыриськозы. Отын пленарной кенешон ортчоз. Собере ТАСС информагенствоын пресс-конференци ортчоз. Программа крезьгуръя «Геликон-Опера» театрын вормисьёсты пусъёнэн йылпумъяськоз.

«СМИротворец» 2008-тӥ арысен выжыкуспо журналистикая Гильдилэн  кичӧлтэмезъя радъяське.