Москваын  нырысьсэ «Бадӟым удмурт диктант» ужрадэ пырискизы

Диктант гожтэмъёслэн арлыдзы 30-сен 70 аресозь. Пӧлазы тросгес вал Башкортостанысь удмуртъёс но Удмуртиысь Алнаш ёросысь потэмъёс.

Диктантлэсь текстсэ лыдӟиз Москваысь удмурт кылъя дышетӥсь Ольга Урасинова. Диктант азьын бадӟым дасяськон уж но ортчытӥз. Акцилэсь азьвыл эскерон вылысь диктант гожтытӥз, гожъяськон кабъёсты валэктӥз.

Вань ужъёсты эскерон вылысь Ижкаре келялозы. Бадӟым баллъёс люкамъёс акциез ортчытӥсьёслэсь кузьымъёс басьтозы.

Вераны кулэ, диктант гожтонэз йылпумъям бере 11 аресъем Валерия Чернова Флор Васильевлэсь «Анай кыл» кылбурзэ лыдӟиз.

Собере люкаськемъёс текстэз гожтон дыръя шугъяськонъёс сярысь кенешизы. Тросэз пусйизы ӟуч кылъёслэсь кутӥськемзэс. Кызьы вераз фин кылъя дышетӥсь Лео Яппинен, удмурт кылъёсты гожтыны шуг ӧз йӧты, сектыз потӥзы ӟуч кылъёс – «пьеса», «сцена».

Текстлэн пуштросэз сярысь но вераськизы. «Азьпалан кыӵе ке но выль ивор сётӥсь текстъёс мед луозы вылэм. Шонер гожъяськыны быгатэммес эскерем сяна, выль тодон-валан но басьтэммы потэ», – шуизы Москваын улӥсь удмуртъёс.

 

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий