Москваын Герберын Алина Загитова автограф-сессия ортчытоз 

Фестивале лыктэмъёс Удмуртилэн эшшо одӥгеныз пинал кизилиеныз тодматскыны быгатозы. «Эрмитажлэн» сцена вылаз потоз «Новая волна» калыккуспо вожвылъяськонын вормись Арина Петрова.

Озьы ик ужрадын футболъя «Торпедо-Ижевск» клубысь нылъёс мастер-класс ортчытозы. Фестиваль пуштросэзъя куиньлы люкемын луоз. Со туризм, спорт но инвестициос. Праздниклэн одӥгез быдэстоно ужпумез — Москваын улӥсьёслы Удмуртилэсь луонлыкъёссэ возьматон.

Тодады вайытом: Москваын «Гербер» «Эрмитаж» садын 1-тӥ пӧсьтолэзе  ортчоз.  Шулдыръяськонъёс 10-ысен 22 часозь мынозы.

«Удмуртия Заряжает» ӧтён улсын ортчись ужрадлэн программаяз удмурт сям-йылолъёс, калык шудонъёс, эктонъёс, кырӟанъёс, вожвылъяськонъёс но тодмо спортсменъёслэсь мастер-классъёс. Праздниклэн куноосыз перепеч веръяны, Тол Бабаен но Лӧпшо Педунен тодматскыны быгатозы.