Москваын «Гербер» фестиваль ортчоз

Таяз радэ фестивальын ужалозы куать площадкаос: «Лэсьтэмын Удмуртиын», «Удмуртия заряжает», «Удмуртия – спортлэн интывылэз», «М. Т. Калашниковлы 100 ар», «Шӧмъя Удмуртиез» но «VisitUdmurtia». Площадкаос Удмуртилэсь туризмъя, спортъя но лулчеберетъя луонлыкъёссэ возьматозы.

Дышем сямъя ини шулдыръяськонын шахматъя турнир ортчоз. Вань мылкыд карисьёс Москваысь но Удмуртиысь устоосыныз шахматистъёсын нюръяськозы. Озьы ик ярмарка ужалоз. Татын вуэм куноос сиён-юонъёсты веръяны но пӧртэм киужъёсъя мастер-классъёсы пыриськыны быгатозы. Нылпиос понна нимысьтыз выжыкылысь геройёсын азбар радъямын луоз. Со сяна, люкаськем калыкез фольклор коллективъёс но егит кырӟасьёс сцена вылысен шулдыртозы.

«Гербер» фестиваль ӵукна дас часысен ӝыт укмыс часозь кыстӥськоз.