Москваын этнографияя удмурт ӝыт ортчоз

Ужрадэ лыктэмъёсты празникъёслэн историенызы но вашкала сямен пусъён амалъёын тодматозы. Кылсярысь, малы Рождествоез асьмеос «Ымусьтон», Крещениез «Йӧ вылэ султон» нимаськом. Кыӵе инты басьтэ удмуртъёслэн улоназы Вожодыр но мукет.

Ӝытлэн программаяз тунаськонъёсъя шудон ортчытозы. Со сяна Можгаысь «Кырӟась сюлэмъёс» ансамбльысь артистъёс кырӟалозы. Озьы ик ужрадэз ортчытӥсьёс Удмуртилэн ёросъёсызъя кылдытэм спилс-картаос бичанъя турнир ортчытозы.