Москва Гербер – йылпумъянъёс

Эрмитажын Герберез усьтӥз Удмуртилэн Тӧроезлэсь ужзэ быдэсъясь А. Бречалов: Ӟечбуресь! — вазиськиз люкаськем калыклы А.Бречалов. -Умоесь! — шуккиськиз парк тыр. — Удмуртъёс ярато асьсэ культуразэс. Та праздникез ми радъяськом Удмуртия сярысь Москваын улӥсьёс но тросгес мед тодозы шуыса. Куд-огез малпа, Удмуртия — со Калашниковлэн автоматэз гинэ. Но Удмуртия — со туж тунсыко но яркыт дунне, — шуиз со.

Герберез тазьы кутскиз шахматэн шудонъя усьтэм турнир. Удмуртиысь тужгес усто пинал шахматистъес шудо дуннеысь шахматъя олимпиадаосын кунь полэс чемпионэныз А.Морозевичен. Собере шудозы дуннеысь ӝог шахматъя чемпионэн С.Карякинэн.

Собере «Тодад возь» флэшмоб ортчиз. Эрмитажын ортчись Гербер шулдыръяськонэ пыриськисьёс Удмуртилэсь пуссэ лэсьтӥзы (солярный знак). Вылӥысен беспилотникъёс съёмка каризы.

Ӧжыт дыр ортчыса Эрмитаж паркын ортчиз удмурт кылэз дышетонъя мастер-класс. Нуиз сое усточимы Ольга Урасинова. Удмурт кылэз дышетыны 30 пала адями лыктӥз. 30 минут ӵоже соос тодматскозы тужгес кулэ луись удмурт кылъёсын, веранъёсын, вакчияк асьсэ сярысь вераны быгатозы.